Museo dei Paleoambienti Sulcitani E. A. Martel
In is assentos de su pabillone de is ex Ofitzinas mecànicas de sa Miniera Manna de Serbariu, s’aberit unu regneddu, cussu de su re de is dinosàuros, su T-Rex, chi paris cun àteros fòssiles de dinosàuros e animales, abbitat is salas de su PAS, su Museu de is Paleombientes Sulcitanos “E.A.Martel”. A bìvere unu viàgiu a coa in su tempus de belle chimbighentos milliones de annos, in una Sardigna abbitada dae àteras genias oe in die estintas, est prus fàtzile chi non mai. Una parada ispassosa pro is piticheddos ma finas curiosa meda pro is prus mannos.
Su museu
Pesadu in su 1972 dae su Grupu Chircas Speleològicas “E.A.Martel”, su museu oe in die est unu logu de aparadas chi contat su passadu geològicu de su territòriu sulcitanu, in sa punna de dd’amparare e avalorare.
Sunt medas is temas tratados in is salas, che a is bioeventos e geoeventos registrados in is rocas chi s’agatant in su SW de Sardigna, sa paleobiodiversidade e is bioeventos in s’Era Mesozoica. A ddoe acurtziare is iscolas est s’interessu printzipale de su museu chi favoressit fainas pràticas e laboratoriales. A s’istramancare in is bellesas de su museu est un’aventura bella pro totu sa famìlia, intre is tantas istòrias de iscobèrrere e immaginare a ogros abertos.
Servìtzios
Informatziones
Indiritzu
Localidade Miniera Manna de Serbariu
Telèfonu
+39 0781 186 0812
Tzellulare
+39 340 268 9043
Situ Web
www.carboniamusei.it
museicarbonia@gmail.com
Ente titulare
Comune di Carbonia
Ente gestore
Consorzio Sistema Culturale Sardegna consorziosistemaculturale@gmail.com
Social
IG: @carboniamusei
FB: carboniamusei