Museos

Sa richesa culturale de Carbònia s’aparat peri s’oferta museale istravanada, anca atzisu e meravìllia s’intrant paris. SiMuC, aici ddi narant a su Sistema Museale de sa citade, chi avalorat unu dominàriu archeològicu mannu e nde boddit su Museu Archeològicu Villa Sulcis, coro de su sistema, su Parcu Archeològicu de Monte Sirai, su Parcu Urbanu de Cannas di Sotto e su Museu de is Paleo Ambientes Sulcitanos. Su SiMuC est una fàbbrica culturale chi primìtziat dae is iscavos e arribat finas a sa divulgatzione: su Comunu de Carbònia, difatis, est finas su titolare de is chircas anca est su situ de Nuraghe Sirai.

Museu Archeològicu Villa Sulcis

Su Museu, coro de su sistema museale de Carbònia (SiMuC), titolare, pro su Comunu de Carbònia, de s’iscavu de Nuraghe Sirai, est in mesu de totu sa filiera de is Benes Culturales, dae s’iscavu a sa catalogatzione, dae s’aparada a sa divulgatzione.

Museu de is Paleoambientes Sulcitanos “E. A. Martel”

Custu museu balet che unu viàgiu a coa in su tempus, anca fòssiles, ossamentos, animales oramai estintos, acumpàngiant is visitadores peri su passadu, finas a chimbichentos miliones de annos a oe. Una cumpudada de a beru de una Sardigna chi non s’agatat prus.

Parcu Archeològicu de Monte Sirai

Custu parcu faghet un’ammaju ancora prus mannu, ca s’incarat subra su paesàgiu de su Sulcis e de s’arcipèlagu sulcitanu. Unu logu singulare chi donat fama a su tempus fenitzu e pùnicu, cun is tèmpios suos e is necròpolis.

Parcu urbanu Cannas di Sotto (Medau is Maccionis)

Unu tretu birde ingastonadu intre is rugas de sa tzitade de Carbònia, intre ruga Igrèsias e ruga de S’Alighera, alloddu chi ispuntat su Parcu Urbanu de Cannas di Sotto, giuntu a su Museu Archeològicu Villa Sulcis cun unu passaditzu cobertu.

Nuraghe Sirai

Fàbbricu singulare, est unu cumplessu cumpostu de una fortilesa chi ddoe inserrat a intro su Nuraghe. Est parte de su Parcu Archeològicu de Monte Sirai – Nuraghe Sirai.

Su Museu de su Carbone e sa Miniera Manna de Serbariu.

Intra in un’esperièntzia chene ismèntigu iscoberrende s’istòria de su carbone e de sa miniera.

This site is registered on wpml.org as a development site. Switch to a production site key to remove this banner.