Parcu urbanu Cannas di Sotto (Medau is Maccionis)

Peri is rugas de sa citade, anca sa vida est a prus a prus avolotada, sodighende is tempos chi càmbiant, diais a pòdere agatare unu tretu birde chi, a s’imbresse, costòdiat unu bìculu de vida chi paret aturada firma in s’antigu ma chene s’iscontroriare cun is tempos currende. Est pròpiu in s’atòbiu intre Ruga Igrèsias e Ruga de S’Alighera chi si podent ammirare is bellesas de su Parcu Urbanu de Cannas di Sotto – Medau Is Macionis.

Su parcu

Giuntu paris a su Museu Archeològicu Villa Sulcis cun unu passaditzu cobertu, su Parcu Urbanu de Cannas di Sotto – Medau is Macionis est una necròpoli a Domos de Janas (tumbas antigas chi costumaiant in sa Sardigna Prenuràgica), acumprida in su Neolìticu e cumposta de 26 grutigheddas torradas a manigiai peri is sèculos. Si podent isceberare duas grupos mannos de Domos de Janas: su grupu de is tumbas a putzu verticale e su grupu de is tumbas cun intrada orizontale a passaditzu chi portant una genna picada in sa roca. Is tumbas, a visitare sodighende unu caminu pretzisu, ddas ant torradas a manigiare finas a dies de oe, furriadas a magasinos, forros e cuiles pro su masòngiu, is repertos corbados, intamas, s’agatant aparados in su Museu Archeològicu Villa Sulcis.

A visitare su Parcu Urbanu de Cannas di Sotto – Medau is Macionis est una grandu ocasione pro s’ispreviare in paghe e assèliu, ca custu logu, firmu in su tempus, est unu sìmbulu de a cummente fatu fatu siat cosa bene fata a si dedicare unu pagus de tempus, pro andare prus a bellu e firmare, pro pòdere apretziare finas is cosas simples de unu bellu viàgiu.

Servìtzios

Visitas ghiadas, isceti cun prenotatzione, pro grupos de a su mancu 20 personas
Laboratòrios didàtico

Informatziones

Oràrios de abertura dae martis a domìniga: 9:00-17:00.

Billetu:
» Tarifa ùnica 2€ a conca de unu pro is visitas ghiadas.
A gratis pro is pipios a suta de 6 annos, disàbiles, acumpangiadores, Soprintendèntzia e membros ICOM.

Indiritzu

Intrada dae Ruga Fertilia - Carbònia

Telèfonu

+39 0781 186 7304

Tzellulare

+39 345 888 6058

Situ Web

www.carboniamusei.it

Email

museicarbonia@gmail.com

Social

IG: @carboniamusei
FB: carboniamusei
TW: @carboniamusei

Ente titulare

Comune di Carbonia

This site is registered on wpml.org as a development site. Switch to a production site key to remove this banner.