Nuraghe Sirai

Est singulare s’àrea archeològica anca s’agatat su nuraghe, inserradu in sa fortilesa istòrica paris a sa bidda inchinta cun terrapienos a moda orientale. A visitare sa bidda nuraghesa est un’ocasione pretzisa pro ammirare unu logu chi is fainas artesanales, che su faimentu de sa terràllia, de su birdu e su traballu de còncia, nd’aiant fatu unu grandu tzentru de cussu tempus e una testimonia crara de a cummente sa sotziedade sarda e cudda fenitza biviant paris intre su VII-VI sèc. a. C.

Su de s’agatare tantas atividades artesanales in unu logu foranu che a su Sulcis averat sa presèntzia de unu sistema econòmicu sardu-fenitzu fundamentadu in s’isfrutamentu de is resursas in is biddas prus a tesu dae is citades. Est in su Nuraghe Sirai etotu, difatis, chi s’agatat sa primu oficina intrea de su tempus fenitzu chi s’at agatadu in Otzidente, e finas sa prus antiga in Sardigna. Su nuraghe s’agatat in su tretu artu de sa bidda e in antis de ddoe lòmpere si podent ammirare is muràllias antigas, sa genna pedonale pro intrare a intro de sa fortilesa, su logu sagradu, s’oficina de su bidru e cudda de sa còncia, e in fines si podet osservare dae curtzu su nuraghe, is muros de amparu, is turres minores e cudda manna. Aici est chi Nuraghe Sirai donat sa boghe a unu pòpulu antigu chi sighet bivende, sìmbulu de s’istòria chi podimus connòschere e de is arcanos ancora a isvelare.