Museo Archeologico Villa Sulcis

Sa primu sala, sa Sala de su Territòriu, pertocat totu su cumplessu, dae Su Carropu de Sirri a Monte Crobu, dae S. Giuanne Suèrgiu a Su Fussu Tundu de Santadi, dae su Nuraghe Sirai a su tèmpiu de Bagoi in Narcau. Sodighende su muru de manu dereta si visitant is temas e is sitos chi contant sa preistòria e sa protostòria, chi nde boddit unu tretu mannu de tempos dae sa vida in su Neolìticu a s’Eneolìticu, finas a arribare a s’Edade de su Brunzu, a is cambiamentos de s’Edade de su Ferru e is cuntatos cun is Grecos, is Etruscos e massimamente cun is Fenitzos. In is rampas de collegamentu is sitos si fùrriant a paesàgios archeològicos; dae is miradas de sa Via Sulcitana antiga si lompet a sa de duas salas, intregada a su Sulcis fenìtziu, cun is materiales de Sulky – Santu Antiogu e de su portu de Bitia. Sighende a intrare in piessignos si lompet a sa sala de Monte Sirai de Carbònia, sa de 3 salas, chi s’aparat, un’àtera borta ancora, sa vida de sa bidda fenitza e pùnica peri is temas e is imàginas de vida fitiana. Apoi sodighende peri su caminu tzirculare, si lompet a is tempos afatantes, e, s’imbresse, a su paesàgiu in edade fenitza e pùnica e romana. Su muru de manu dereta de sa sala 1, in fines, aparat su territòriu in edade romana, cun is perdas de mìlliu de sa Bia Sulcitana e is necròpolis de Carbònia.