Architettura

Carbònia est a cummente si esseret unu museu ispainadu, pro more de su patrimòniu urbanìsticu e architetònicu chi si ddoe agatat peri totu su populadu. Sa citade, difatis, intrat in su rodeu ATRIUM – Architecture of Totalitarian Regimes of the XX Century in Europe’s Urban Memory, intregada a sa promotzione de su turismu culturale acapiadu a s’eredeu urbanu e architetònicu de is regìmenes totalitàrios de su XX sèculos. Dae chi s’imbucat in Carbònia, est fàtzile a s’istramancare peri is istrintos e is istradas chi giunghent paris is fàbbricos prus curiosos. Dae Pratza Roma, coro de sa tzitade, a s’iscoberta de su cumplessu Dopolavoro Cine-Teatro, finas a su Tzentru Intermodale Istatzione e a su Pòrtziu de sa Posta. In is pratzas e in is rugas printzipale si podent agatare is chi ddis narant “Totem mannos”, istruturas chi regordant su ferru manigiadu in miniera chi contant s’istòria de sa citade e is traballos de cummente dd’ant fabbricada.