Tzentru Intermodale Istatzione
S’istatzione de is trenos de Carbònia Serbariu, conota puru Tzentru intermodale de Carbònia, dd’ant inchingiada in su 2011 e acumprida pro acurtziare su terminale ferroviàriu a sa citade, difatis dd’ant fabbricada intre ruga Roma e su “asse nou achipagiadu” in sa rughe chi faghet cun ruga Costituente. Su Tzentru punnat a su imbonimentu de is servìtzios pro citadinos e turistas e chistit su tràficu de trenos e autobus, favoressende·nde s’iscàmbiu paris·paris. Su Tzentru aici rapresentat unu passu a in antis in sa gestione de su trasportu urbanu e extraurbanu de sa citade, pro unu primìtziu nou de su sistema de is traspostos sardos.
Su Tzentru
In su totus su Tzentru presentat unu fàbbricu printzipale, sa belleteria, is coberturas de abetu e is iscalas pro imbucare in is sutapassàgios. Est unu fàbbricu a duas cuotas, una paris a s’istrada pro is autobus e un’àtera anca s’agatat s’istatzione de is trenos. Custu de Carbònia est su primu tzentru intermodale fatu in Sardigna e est parte de una cuncòrdia prus manna de centros intermodales chi ant a torrare a cuncordare totu su sistema de sa mobilidade sarda. A promòvere sa mobilidade pùblica est finas una manera pro fàghere connòschere sa Sardigna a totus is viagiadores chi disìgiant a connòschere e iscobèrrere is bellesas suas, torrende·dda aunida e fàtzile a lòmpere in ònnia tretu, pro no istramancare nudda de su chi podet ofèrrere, binchende cale si siat làcana.
