Facebook Instagram
ITE FAGHERE?

Pràgias

  1. Home
  2. Connosche Carbònia
  3. Pràgias

Pràgias

Carbònia puru portat mare.

Dae Carbònia est fàtzile a lòmpere a is prus pràgias bellas de Sardigna. Sende assentada in su coro de su Sulcis·Igresiente, a mesu tretu intre su Campidanu e sa tzitade de Casteddu, est unu puntu ditzosu pro is chi disìgiant iscobèrrere unas de is prus amajadoras e ìnnidas pràgias isolanas. Che a is pràgias de Portu Pinu e Portupalleddu o is prus particulares, che a Sa Punta de S’Arena e Tuarredda. Ponide·bos a modde in s’abba cristallina e gosade·bos is paesàgios ispantosos intre is calas e is iscòllios de custa terra ùnica e ìnnida.

Portu Opinu

In sa pràgia de Portu Opinu, in su comunu de Arresi, bos ais a istramancare in sa mirada de su biancu de s’arena fina fina e in s’asulu càrrigu de su mare suo. Portu Opinu est sa prenda de su Sulcis. Unu padende de opinos ddi faghet a corona e ddi donat friscura in s’istade, famadas sunt is dunas biancas, intre is prus artas de Europa. A visitare sa pràgia de Portu Opinu est un’esperèntzia ùnica sende inghiriados in sa natura, intre mare e terra.

Aund’est

» Comunu de Sant’Anna Arresi
» Cara a 80 km dae Casteddu (1 ora e 30 min. de vetura)
» Cara a 40 km dae Carbònia (30 min. in auto)

Calidade

Pràgia arena fine, iscòllios

Caraterìsticas

» Gestione: istabilimentu, lìbera
» Parchègiu
» Atzessibilidade disàbiles
» Servìtzios: ristoratzione

Portupalleddu

Portupalleddu, in su comunu de Portescusi, est una baia pitichedda in pinna a su prus bentu nòdidu de s’Ìsula, su Bentu·estu. S’arena in colore de ambra est incurnissada in is rocas, anca si nd’istantàrgiat sa Turre de Portescusi. Una caraterìstica chi nde dd’ischerat est s’incarada a pitzus de un’iscòlliu mannu chi si narat La Ghinghetta. Su nòmine Portupalleddu, dd’at pigadu pro more de sa poseidònia, s’àliga de mare o finas pallamarini in sardu locale, chi s’assentat in sa pràgia cando faghet mareta.

Aund’est

» Comunu di Portescusi
» Cara a 80 km dae Casteddu (1 ora e 15 min. de vetura)
» Cara a 20 km dae Carbònia (20 min. de vetura)

Calidade

Pràgia arena fine

Caraterìsticas

» Servìtzios: ristoratzione

Sa Punta de S’Arena

In su comunu de Gonnesa, s’agatat Sa Punta de S’Arena, si narat de aici proite ca innoe sa pràgia faghet “a punta” isprunde·nde cara a mare e cugutzende unu pare de rocas. Mesurat una tirada de 700 mt oru a su mare e si nd’ischerat pro s’arena in colore de oro. S’abba, chi abarrat bàscia, acollit una bella variedade de fàuna e flora marina. Dae Sa Punta de S’Arena si podet gosare una mirada ispantosa, massimamente pro s’aparada de s’iscòlliu prus mannu de su Mediterràneu, su Concali Terràinu (connotu in italianu Pan di Zucchero).

Aund’est

» Comunu de Gonnesa
» Cara a 70 km dae Casteddu (1 ora de vetura)
» Cara a 18 km dae Carbònia (20 min. de vetura)

Calidade

Pràgia arena fine

Caraterìsticas

» Servìtzios: ristoratzione

Coaquaddus

Est sa prus manna e caraterìstica pràgia de Sant’Antiogu. Una roca manna nde dda pratzit in duas tretos e abarrat totu inghiriada dae sa perda de carchina, Coaquaddus s’innoditat oru oru a una costera totu calas. Custas sunt chi donant su nòmine a sa pràgia, ca is curvas chi si ddoe pintant dd’assimbìgiant a coas de cuaddos. Su birde de is cùcuros chi si dda imbrassant s’isprigat in su mare asullu e sa mirada de chine ddoe traessant est alluinada pro more de is dunas meravilliosas de Portu Opinu.

Aund’est

» Comunu de Sant’Antiogu
» Cara a 100 km dae Casteddu (1 ora e 30 min. de vetura)
» Cara a 26 km dae Carbònia (30 min. de vetura)

Calidade

Pràgia arena fine

Caraterìsticas

» Parchègiu
» Adeguada pro creaduras
» Servìtzios: ristoratzione
» In pinna a su Bentuestu

Portu Palla

S’arena modde de Portu Palla est s’incantu de sa marina de Gonnesa. Un’istèrrida de oro chi paret foras de tèrmines e chi, cun tres chilòmetros, faghet a corona a dunas fòssiles, matedu mediterràneu e s’ammisturat cun unu mare asullu e cristellinu. Portu Palla est sa pràgia prus a sud de sa Marina de Gonnesa, chi nde tenet àteras tres: Sa Punta de S’Arena, Pràgia de Mesu e Funtana de Mare. Su nùmene benit dae sa tonnària antiga de su de XVIII sèculos, chi ancora si nde apubant is fàbbricos sètzidos in una sedda fatza a su mare.

Aund’est

» Comunu de Gonnesa
» Cara a 70 km dae Casteddu (1 ora de vetura)
» Cara a 18 km dae Carbònia (20 min. de vetura)

Calidade

Pràgia arena fine

Caraterìsticas

» Gestione: istabilimentu, lìbera
» Parchègiu
» Servìtzios: ristoratzione

Masua

Prus chi non una pràgia, Masua est una cala, pitica e manna a su pròpiu, in su comunu de Iglèsias, chi faghet ispantu a dd’ammirare. Is iscòllios ispetaculares sunt unu disafiu atzisadore pro is amantiosos de climbing, ma finas pro is chi amant sa natura isceti. Cun is abbas lìmpias e fatu fatu avolotadas, est unu de prus disigiados logos pro surfistas isolanos e continentales. Dae innoe si podent ammirare totus is 133 metros de su iscòlliu mannu su Concale Terràinu e is ateros iscòllios minores, fatos de carchina càmbriana belle lìmpida. A fàghere custu logu ancora prus màgicu est s’incarada in s’istrampu a pitzus de su mare de su tunnel mineràriu de Portu Flàvia.
 

Aund'est

» Comunu de Igrèsias
» Cara a 80 km dae Casteddu (1 ora e 10 min. de vetura)
» Cara a 26 km dae Carbònia (33 min. de vetura)

Calidade

Pràgia arena fine, iscòllios

Caraterìsticas

» Gestione: istabilimentu, lìbera
» Parchègiu
» Servìtzios: ristoratzione

Porto Tramatzu

Est sa pràgia de s’istòricu comunu de Teulada, s’agatat oru a una costera totu caletas e cun àteras pràgias ìnnidas chi faghent ammaju. S’arena est fine fine e bianca bianca. Porto Tramatzu est nòdida pro s’isuledda chi si ddoe agatat a curtzu e chi dda narant Isula Rùbia, inghiriada dae is abbas bàscias praghillosas. In cust’iscenàriu de ispantu, si podet finas atzapare is bentos giustos pro praticare windsurf.

Aund’est

» Comunu de Teulada
» Cara a 85 km daea Casteddu (1 ora e 25 min. de vetura)
» Cara a 30 km dae Carbònia (26 min. de vetura)

Calidade

Pràgia arena fine, iscòllios

Caraterìsticas

» Gestione: istabilimentu, lìbera
» Parchègiu
» Atzessibilidade disàbiles
» Servìtzios: ristoratzione

Tuerredda

Un’òpera maistra de sa natura, in su comunu de Teulada, anca terra e mare s’imbenent paris e sa meravìllia si faghet realidade. Custa est Tuarredda: prus de mesu chilòmetru de arena fine in colore de oro, abba lìmpida cummente mai si nd’at bidu e su birde de su matedu chi totu si dd’imbratzat. Intre Cabu Marfidanu e Cabu Spartientu, semper in pinna a su Bentuestu, Tuarredda est in logu de Teulada, e innoe puru nch’at un’isuledda chi si podet lòmpere nadende, pro gosare una paghe chi non s’agatat in perun’àteru logu. A nadare in custas abbas torrat is persones a un’istàdiu de assèliu primordiale chi non si podet ismentigare.

Aund’est

» Comunu de Teulada
» Cara a 58 km dae Casteddu (1 ora de vetura)
» Cara a 55 km dae Carbònia (1 ora de vetura)

Calidade

Pràgia arena fine

Caraterìsticas

» Gestione: istabilimentu, lìbera
» Parchègiu
» Atzessibilidade disàbiles
» Servìtzios: ristoratzione

Cuncorda sa vacàntzia

Totu su chi tocat a ischire pro cumintzare su viàgiu in Carbònia

Toca immoe
Su situ ufitziale de su turismu in Carbònia.

Sitos temàticos

Isprora

Info ùtilosas

This site is registered on wpml.org as a development site. Switch to a production site key to remove this banner.