Su Caminu de Santa Bàrbara
Santa Bàrbara, amparadora de is minadores chi annos e annòrios ant abbitadu custas terras, donat su nùmene a su Caminu mineràriu chi dae sa citade de Igrèsias faghet un’andera allorigada traessende s’istòria de su logu. Un’andera a matrize religiosa chi s’imbenet in padentes, pràgias, dunas de arena e si fùrriat in una aventura istravanada a s’iscoberta de sa Sardigna sud-otzidentale. Pro imbucare in su Caminu si podet incarrerare dae Carbònia (tapas 25 – 26) e traessare in àteras tapas.
Sant’Antiogu - Carbònia: tapa 25
Si caminat peri una bia betza de Ferrovie Meridionali Sarde, a dies de oe furriadu belle totu a caminu a pee o a bitzicleta. Custu tratu matessi, dae is annos ‘20 a su cumintzu de is annos ‘70 de su ‘900 at asseguradu a is personas de su logu de pòdere viagiare, in prus a carrare su carbone dae sa Miniera Manna de Serbariu a su portu de Sant’Antiogu. Sa 25 est una de is prus tretos longos de su Caminu, ma si traessat a discansu e non si ddoe parat barrancos.
Su tretu
- Si movet dae is rugas de Sant’Antiogu
- Essidos dae sa citade, si depet rugrare sa SS 126
- S’andera sodigat peri s’andera tziclàbile, finas a ue traessat un’istrada manna in su de Is Cordeddas, oru a sa rotonda in sa SS 126
- Lòmpidos a Santu Giuanne Suèrgiu, semper sodighende in s’andera tziclàbile, tocat a traessare ruga Porto Botte, allonghiamentu de sa SS in su populadu.
- Lòmpidos in Carbònia, si sighit pro acabbare oru a su tretu in su populadu.
- Longària: 23,4 km
- Pendèntzia: artziada 273 m; calada 198 m
- Dificultade: mesana
- Dura: 7 oras e 30 min.
Carbònia - Nuraxi Figus: parada 26
Unu tretu prus traballosu e àgigu prus longu, ma chi intrat in su coru de custa terra. Dae s’archeologia industriale as’archeologia clàssica, dae is minieras de carbone de Serbariu a cudda de Nuraxi Figus, chi s’imbenent una a su comintzu e s’àtera a s’arribbu de sa tapa, agiumai totu s’andera est unu parcu archeològicu a suta de su sole, anca si podet caminare a pitzus de is rastros de is ùrtimos 5.000 annos de istòria de su territòriu.
Su tretu
- Si essit dae Carbònia cara a sa Miniera de Serbariu, passendi peri su populadu.
- Pustis traessada sa miniera, si traessat sa SS 162 pro imbucare in s’istrada bianca chi giughet a su Nuraghe Sirai (pònnere atetzione: s’istrada est a tràficu forte e lestru de veturas).
- Lòmpidos a su depuradore de Flumentèpida bolet averiguadu si su Riu Flumpentèpida s’agatat unfradu. S’in casu, tocat a pigare sa variante chi giughet a Cortoghiana, caminende peri Medau Desogus.
- Si lompet oru a Cotoghiana, cara a sa zona cummertziale de is mobilifìtzios, e si traessat sa SS 126 in su tretu de su semàforu.
- A pustis, si traessat Cortoghiana a unu ladu e si sodigat cara a Nuraxi Figus anca in custu casu puru si caminat peri sa bidda cun tràficu urbanu.
La tappa è lunga, pertanto si consiglia una preparazione adeguata.
- Longària: 22,5 km
- Pendèntzia: artziada: 504 m; calada: 498 m
- Dicultade: unu pagu arta
- Dura: 8 oras
