Dopolavoro Cine-Teatru
Guarnissa de Pratza Roma, su cumplessu Dopolavoro Cine-Teatro est unu logu anca su regìmene aparitzaiat is oras lìbeas de is traballadores, in paris cun àteras personalidades de s’ora. S’Organizatzione Natzionale Dopolavoro in curtzu OND, intre is muros de sa sede centrale organizaiat medas fainas de recreu pro is impiegados, che a sa proietzione de pelìculas e cinegiornales ma finas rapresentatziones teatrales. Cursos isportivos, de economia domèstica, iscolàsticos de alfabetizatzione e fainas artìsticas culturales fiant sa màchina de s’OND chi arcantzaiat prètzios redùsidos pro is billetos de cìnema, de teatru, e de sa roba de bistire e de papare comporada in unas cantas butegas pro is traballadores suos. Custu logu, in is muors, costòdiat ancora oe in die is istòrias de is personalidades chi ddoe ant traessados. Istòrias pispisadas e cumpartzidas agiumai a iscuse. Istòrias de unu passadu ispèrdidu e olvidadu.
S’istrutura
Sa sede de su Dopolavoro Cine-Teatro est fata cun duas corpos istagiados chi serrant Pratza Roma in su contone est. Sa fatzada de in antis portat unu pòrtziu a colunnas e sa pranta retangolare tirat de longu finas a s’acostare a su fàbbricu de sa Torre Litòria. Mancari sa derruta de su fascismu, non s’at istramancadu sa caraterìstica printzipale, est a ischire a èssere unu logu pro atèndere medas fainas de recreu. Su Dopolavoro Cine-Teatro a dies de oe est unu tzentru polifuntzionale e tzentru servìtzios chi acollit una moda noa de bìvere custos tretos. Est innoe chi si podet intèndere su retumbu de un’istòria tesana ma a curtzu in su pròpiu tempus. Unu logu chi at torradu a agatare una vida noa, anca si ddoe podet atobiare in libertade.
